OpenAI CEO Sam Altman-a thawhpui company Tools for Humanity chuan device thar Orb Mini tih chu an rawn siam chhuak a, he gadget hi mihring tak tak leh AI online a danglamna hriat theihna tura siam a ni.

Orb Mini hi smartphone ang deuh mah ni se mihring i nihzia finfiah nan i mit scan nana hman a ni. Scan zawhah blockchain-ah unique ID(digital record him tak) i hmu ang, chu chuan mihring(verified) i nihzia a tilang a — bot emaw AI emaw ni lovin.

Hei hi project lian zawk World(hmanlai Worldcoin) tih a ni a, mi pakhat chuan mihring a nihzia finfiah nan digital system siam a duh a, a bik takin AI hian hma a sawn chhoh zel avang leh, mi atanga thliar hran a harsat chhoh zel avangin.

Orb Mini hi an eye-scanning device hmasa ber Orb aiin a te zawk, portable version a ni a, San Francisco-a event pakhatah an entir a ni a. Apple expert hlui te design a ni a, a hnuah dawr ang chi hmunah pawh hman theih a ni a, tech company dang hnenah pawh hralh theih a ni bawk.

U.S-ah pawh World hi a zau chho zel a, khawpui thenkhat Austin, Miami, leh San Francisco-ah te dawr hawn a ni a, chutah chuan miten an mit scan turin an kal thei a ni. Tun thleng hian khawvel hmun hrang hrangah mi mi maktaduai 26 vel velin hming an ziak lut tawh a ni.

Zawhna a la awm a, he device hian OpenAI future plans nen a connect dawn em tih te, AI features a nei dawn em tih ang chi te hi a ni a, mahse tunah chuan AI tamna khawvelah hian mihring i nihzia finfiahna tur chauh a la ni rih.