Hugging Face-a team pakhat chuan a thlawna hman theih, cloud-hosted computer hmanga AI “agent” an tichhuak. Mahse,a muang em em mai a, a chang chuan tihsual a nei fo bawk.
Hugging Face agent, Open Computer Agent tia koh hi web kaltlangin a luh theih a, Linux virtual machine hmangin application eng nge maw zat preloaded a hmang thei a, Firefox pawh a tel. OpenAI Operator ang bawkin Open Computer Agent chu hna pakhat thawk zo turin i hrilh thei a — “Paris-a Hugging Face HQ zawng turin Google Maps hmang rawh” ti ila agent chuan program a mamawh a hawng ang nga, a tul angin tih dan a ngaihtuah chhuak ang.
Open Computer Agent hian request awlsam tak tak tha takin a keng a. Mahse a buaithlak zawk chu, flight(zinna) tur zawn te. Open Computer Agent hian CAPTCHA test a tawk fo bawk.
Open Computer Agent hmang tur chuan virtual queue-ah i nghah a,queue second atanga minute khat vel a ni ang, demand a zirin.Hugging Face team tum ber chu computer hmang thei agent tha ber ber siam a ni lovin,chu ai chuan open AI model te chuan thil an thiam chho zel tih lantir an duh zawk a ni — cloud infrastructure tlawm zawk a pawh hman theih turin.
“Vision model-te chu an thiam chhoh zel chuan agentic workflow buaithlak tak takte chu an tichak thei ta a ni,” tiin Hugging Face-a agents team member Aymeric Roucher-a chuan X-a a post-ah a ziak a,Heng model ṭhenkhat hian built-in grounding - image pakhata element eng pawh a coordinate hmanga hmuh theihna etc te a support.
A famkim lo hle nachungin, agentic technology hian investment pung zel a hip a, enterprise-te chuan productivity tihpun nan hman an tum a ni. Tun hnaia KPMG survey-in a tarlan danin, company 65% chuan AI agent hmangin experiment an nei mek a ni. Markets and Markets project chuan AI agent segment hi kum 2025-a $tld 7.84 aṭanga kum 2030-ah chuan $tld 52.62-ah a pung dawn niin an chhut.
