Reddit CEO Steve Huffman chuan he platform-ah hian user chi hnih a awm tih a sawi a, chungte chu:
1. Scrollers – r/sourdough emaw r/popculturechat ang chi khawtlang zinga inbiakna browse leh join thin users te.
2. Seekers – chhanna chiang tak zawng thin, a tam zawkah chuan Google-a search a, mi tak tak hnen atanga thurawn dik tak hmuh theihna turin a search naah “Reddit” tih belh a thin.

Seekers te tana rawngbawlna tha zawk an neih theih nan Reddit chuan Reddit Answers a tlangzarh a, hei hi AI hmanga siam a ni a, Reddit post atanga chhanna dik tak leh thupui tawi te a la chhuak thin. December thlaa BETA a tlangzarh atang khan kar tin active users maktaduai khat a nei tawh a, U.S piah lamah U.K., Canada, Australia, leh India thlengin a zau tawh bawk.

Reddit hian Answers hi main search bar-ah dahin, user tharte kaihhruaina atan hman a tum a, hei hi awlsam zawka siam a tum a ni. Google search result-ah Reddit Answers chiang zawka lang turin a duh bawk a, chhanna thui tak, chhiar awlsam tak a pe thei bawk.

Hetianga hmalakna hian Reddit chu Google search algorithms a rinchhan loh nan a pui bawk a, hei hian a hmain user traffic a tidanglam nasa hle.

Tun hmaa search-related bumps awm mahse Reddit hi a thang chak hle. A sum lakluh $392.4 million(nikum aiin 61% zetin a pung), adjusted EBITDA $115.3 million a nei a, nitin hmangtu 108.1 million(31% zetin a pung) a ni. Heng sum lakluh chak tak tak avang hian a stock hi a sang chho ta hle a ni.

Quarter lo awm tur atan Reddit chuan $410–$430 million inkar sum lakluh a beisei.