OpenAI chuan Abu Dhabi, UAE-ah AI data center lian tak siam a pui mêk.

UAE tech company G42 nên thawhhona siamin he project hi a lian hle dâwn a niin a lang, nuclear power plant panga vêl electric hman a ni ang a, Monaco aia hmun zau zâwk a huam ang. Nakin lawka AI hmasâwnna tûr pui tûrin OpenAI global “Stargate” project-ah a tel bawk.

OpenAI hian Texas-ah pawh hetiang center hi an siam tawh a, mahse UAE-a center hi a lêt lî aia lian a ni dâwn.

Hetianga hmalâkna hi U.S leh UAE AI thawhhona a ngheh chhoh zêl vâng a ni mahse sawisêlna awm lo erawh a ni lo U.S dan siamtute chuan G42-in China nêna an inzawmna hmasa chungchângah an lungawi loh thu an sawi a, heng zîngah hian ram vênhimna avânga U.S-in blacklist-a a dah company-te nêna an inzawmna pawh a tel.

Hemi chungchângah hian G42 chuan China nêna an inzawmna zawng zawng an titâwp tih an sawi. Chumi hnu rei vak lovah Microsoft chuan G42-ah dollar tlûklehdingâwn 1.5 a invest a, an top executive-a pakhat chuan G42 board chu a zawm nghe Nghe.