OpenAI chuan o3-pro an tlangzarh a,model hi a hmaa o3 release atanga siam a ni a, advanced reasoning atana siam a ni a, a bik takin math, science, coding, education, business, leh writing assistance angah te a chak hle.
Company chuan o3-pro chu ChatGPT Pro leh Team users tan hman theih a ni tawh tih an sawi.Enterprise leh Edu customer te chuan karleh lamah an hmang thei dawn thung. Tin, o3-pro hi OpenAI API hmangin a luh theih tawh bawk a, hetah hian input token maktaduai khatah $20 leh output token maktaduai khatah $80 a ni.
Traditional AI model ang lo takin o3-pro hian step-by-step reasoning a ngai pawimawh ber a, hei hian harsatna khirh tak takte chu rintlak zawka a chinfel theih nan a pui a ni. Internal evaluation-ah chuan reviewer-te chuan test category zawng zawngah o3-pro chu o3 aiin a sang zawk tih an sawi.
OpenAI chuan o3-pro hian hmanraw chak tak tak a support tih a sawi a, chung zingah chuan web-a search theihna, file thlirlet theihna, visual inputs interpret theihna, Python code run theihna, leh memory hmanga chhanna personalize theihna a tel. Mahse, tunah hian model hian image a siam thei lo a, Canvas, OpenAI AI-powered workspace a support lo bawk. Tin, technical issue vangin tunah chuan temporary chats tihtawp a ni rih bawk.
Heng tihkhawtlai te hi awm mahse o3-pro hian AI benchmark-ah top-tier performance ah ala awm fana. Math skills test AIME 2024-ah Google Gemini 2.5 Pro aiin a score sang zawk a, PhD-level science hriatna tehna GPQA Diamond-ah Anthropic Claude 4 Opus aiin a sang zawk bawk.
