Neuralink elpui Paradromics chuan a vawi khat nan an Brain Computer Interface(BCI) chu mihringah hlawhtling taka dah luh a ni.Test hi May ni 14 khan epilepsy surgery neih laiin a thleng a, minute 10 hnuah him takin device hi lakchhuah leh a ni.
Kum 2015-a din, Austin-a awm Paradromics hian kum tam tak chhung chu ramsa Beram ah “Connexus” implant hi an lo enchhin tawh a ni. He mihringa enchhinna hi hmasawnna lian tak a ni. A tum ber chu ALS, stroke, emaw spinal injury ang chi natna nei te chu thluak signal hmanga inbiakpawhna atana puih a ni.He hmanrua hian ngaihtuahna(thoughts) chu thusawi, thuziak,emaw computer thupêkah a chantîr thei a ni.
Brain-computer interface(BCI) hian thluak hi pawn lam device nen direct-in a thlunzawm a.Thluak chu robotic arms, computer emaw ang chi thilte hnenah signal a thawn thei. Tunah chuan Paradromics chu Neuralink nen nasa lehzual in an inel tawh dawn niin a lang. Neuralink hian tun thlengin damlo pathum-ah an device hi an dah lut tawh a ni.
Paradromics hian kumin kumtawp lamah full clinical trial neih ṭan an tum a, an device hi phalna a hmuh veleh $100,000 velin hralh an beisei.
