Meta chuan Thawhlehni khan an Ray-Ban Meta smart glasses chu May 19 aṭangin India ramah hralh chhuah theih a nih tur thu an sawi a, a man ṭan tur chu ₹29,990 vel a ni.

Tunah hian smart glasses hi Ray-Ban site-ah pre-order theih in a awm tawh a, tlangzarh a nih hunah Ray-Ban dawr-ah dah a ni ang.

Meta chuan India rama smart glasses tlangzarh turah hian Meta AI a support dawn tih a sawi a, hei hian i hmaa thil awm chungchanga zawhnate a chhang thei dawn a, audio leh video live-in a letling thei dawn a, i phone hmangin message a thawn thei dawn a, i tan call a siam thei dawn a, thil dang tam tak a ti thei dawn a ni, a ti.

Tunah hian smart glasses hian a hmangtute offline lai pawhin English, French, Italian leh Spanish tawngin live translation a support thei dawn a. Hriat tur pawimawh tak chu Meta hian Indian tawngte tanpuina a la dah belh lo.

Meta chuan he glasses hi India rama Spotify, Amazon Music, Shazam leh Apple Music ang apps hmanga connect leh music play theihna tur a nih thu a sawi.

Company hian kum 2023-a an tlangzarh aṭang khan tun thlengin glass pahnih maktaduai 2 vel an hralh tawh a ni.