Google I/O 2025-ah khan Google chuan healthcare field-a pui turin AI model thar MedGemma chu a tlangzarh. MedGemma hi medical thlalak(images) leh thuziak(text) pahnih hrethiam thei tura siam a ni a, hei vang hian doctor, researcher, leh medical app siamtu te tan a tangkai hle dawn a ni.
MedGemma hi version pahnih a awm a:
1.MedGemma 4B: hi model tenau zawk a ni a, thlalak(image) leh thuziak(text) pawh a ti thei. Medical picture X-ray, vun thlalak, leh mit scan te zirtir a ni. He model hian natna hriatchhuahna leh medical image atanga report siamna kawngah a pui thei a ni.
2.MedGemma 27B: hi model lian zawk a ni a, thuziak(text) chauhah a in sawrbing. Doctor note emaw, damlo chanchin emaw ang chi, medical information buaithlak tak tak chhiar leh hriatthiamna atana siam a ni. Thu hriatte(information) khaikhawmnaah emaw, damdawi lama thutlukna siamte thlawp/tanpui nân emaw a ṭangkai thei a ni.
Developer te chuan MedGemma hi Hugging Face emaw Google Cloud Vertex AI ang chi platform ah te an hmang thei a. Google hian developer-te’n an mamawh bik atana model hman leh siam thatna tur hmanrua leh entirnan, Colab notebook ang chi te a pe bawk.
MedGemma hi kawng tam takah hman theih a ni a,chu chu thlalak aṭanga damdawi lam thilte hriatchhuah te, chu thlalak chungchânga zawhna chhân te, a nih loh leh damdawi lam thuziak thui tak takte zirchian leh khaikhawm te a ni. Developer te pawhin Google-in a pek special training method hmangin hna hrang hrang atan model te chu siam danglam theih a ni bawk.
A tawi zawngin, MedGemma hi tunlai AI hmanga healthcare tools hman a awlsam zawk theihna tura hmalakna pawimawh tak a ni.Thlalak(image) leh thuziak(text) hriatthiamna chu model pakhatah a dah khawm a, developer-te tan medical application tangkai tak tak siamna tur bul tanna pawimawh tak a pe a ni.
