Epic Games leh Spotify te chuan Apple-in App Store dan thar a siam chu a hmaa an hnawl tawh apps chu an test leh. Epic hian Fortnite hi kum 2020-a Apple payment system bypass avanga an paih chhuah hnuah App Store-ah dah let leh an duh a. Spotify hian an app-ah hian audiobook leh extra listening hours direct-a lei theihna dah a tum bawk.

Heng hmalaknate hi tun hnaia Apple-in Amazon Kindle leh Spotify ang app-a tih danglamna ang chi, subscription man tarlan leh lehkhabu lei phalsak te a pawm hnua tih a ni. Heng inthlak danglamna te hi Epic-in Apple laka legal case a thehluh hnuah, judge chuan Apple-in,in-app payment hmanga zalenna tam zawk a pek a ngai tih a sawi.

Tun hma chuan Apple hian developer-te chu thil lei nan pawn lam website-a link dah phalna a dil thin a, user-te hnenah warning message a entir a, commission 27% a charge thin bawk. Mahse court chuan hei hi a dik lo tih a sawi a, chuvangin tunah chuan Apple chuan developer-te chu web payment option zalen tak leh fee dang chawi ngai lovin pek a phalsak a ngai ta a ni.

He inthlak danglamna hian Epic leh Spotify ang company te tan sum tam zawk a hmuh theih beisei a ni a, chutih rualin developer tenau zawkte tan pawh business model thar enchhin theihna hun remchang a hawng bawk.