Tun kar chhung khan Apple chuan ram 100-a mite hnenah hriattirna a chhuah a, sorkar spyware hnen atang beih an tawk maithei a ti.

Ciro Pellegrino, Italian journalist chuan Apple hnen atangin target a nih thu message a dawng tih a sawi.

Dutch right-wing activist Eva Vlaardingerbroek pawhin Apple hnen atangin iPhone-a spyware attack a nih thu a sawi bawk.

Apple chuan he beihna hi mipuite chu tute nge an nih emaw, eng thil nge an tih vang emaw a nih a rinawm thu a sawi. Company chuan eng spyware nge hman a ni tih leh tute nge a hnung lama awm tih an sawi lo.

Hei hi Apple leh WhatsApp ang tech company dang ten hetiang warning an thawn vawi khatna a ni lo. Kumin kum tir lam khan Pellegrino-a news outlet, Francesco Cancellato-a Italian journalist dang pakhat chuan WhatsApp aṭangin warning a dawng bawk. Chu spyware chu Israel company pakhat Paragon Solutions nen an inzawm a. Migrant-te chhanchhuah hna thawktu Italian mi dang pahnih pawh Paragon-in a beih nia sawi a ni bawk. Hei hi mipui hriata a chhuah hnuah Paragon chuan Italian sorkar client nena an hnathawh chu an titawp ta a ni.