Apple hian Meta Ray-Ban, Meta ang chi smart glass bakah Mac leh AI server chak zawkte khalh/hman theihna tur chip thar an siam mek niin an sawi.

Bloomberg Mark Gurman chuan chip pakhat chu Apple Watch-a low-power processor aṭanga inspired a nih thu a sawi. Apple hian nakkum kum tawp emaw, 2027 emaw chhung hian heng chips te hi TSMC nen mass production-ah dah a tum niin report chuan a tarlang.

Tarmit(Glasses) te hi ngaih pawimawh ber an ni a, Bloomberg hian a hmain Apple CEO Tim Cook chuan glasses market-ah Meta hneh a tum thu a lo tarlang tawh a, tun hnaiah Meta hian hlawhtlinna a hmu nasa hle. Kum 2023 atang khan Meta hian Ray-Ban Meta pair maktaduai 2 vel a hralh tawh a ni.

Bloomberg-in a tarlan danin, Apple hian tunah hian AR glass ni lo, camera hmanga a chhehvel boruak scan-na leh a hmangtute pui turin AI-a innghat, non-AR glasses a dap mek a. Processor siam mek zinga pakhat chuan battery tam lutuk hmang lovin heng camera leh component dangte hi a control thei dawn niin report chuan a tarlang.