London-a tech startup Builder.ai chuan artificial intelligence (AI) hman chungchangah dawt sawia puh an nih avangin khar a ni.Kum 2016-a Sachin Dev Duggal-a din, Builder.ai chuan AI hmanga app siamnaah mi awlsam takin a pui thei tih a sawi a, “pizza order” ang maia awlsam a ni a ti. Company hian $450 million chuang zeta rawn in vawrhin,a vawikhat phei chu $1.5 billion vel a rawn ni hial. Microsoft leh Qatar Investment Authority te ang investor lian tak tak a nei hial bawk.
Mahse a tak takah erawh chuan company hian India rama Engineer 700 vel hmangin code hi manual-in an ziak a. Heng Engineer te hian AI system “Natasha”-in hna a thawk anga lantirin,a takah erawh chuan Engineer te hian hna hi an thawk tak tak zawk a ni . Kum 2019 aṭanga report-te chuan an AI chungchangah hian rinhlelhna an lo siam daih tawh a ni.
Kum 2025 tir lam khan company hian CEO thar Manpreet Ratia an nei a. Builder.ai hian sum a lakluh chungchangah thu dik lo a sawi tih a hre thuai a,kum 2024 khan $220 million zet a lalut tia sawi ni mah se,a sum tak tak erawh $50 million vel a hnaih zawk thung. Independent audit chuan hei hi a nemnghet a, company lender chuan $37 million a la let leh hial a ni.
Builder.ai hian sum a tlakchham avangin a thawktute pawh hlawh pe thei lovin. Mi 1,000 velin an hna an chan a. Tin, Amazon leh Microsoft ang company te hnenah pawh unpaid cloud service a pek avangin maktaduai tam tak a bat sak bawk.Tin U.S. sorkar chuan company hi sum lama inbumna a neih thu hi a chhui chiang mek bawk.
He Builder.ai company te inbumna atang hian investor leh regulator te chuan AI startups te chu pawng rin nghal tawp lo va, thuk zawk leh chiang zawka ngaihtuah leh zirchian hmasak an ngaihzia a hriattir thei awm e.
