U.S sorkar official-te chuan Apple leh Chinese tech company Alibaba inkara inremna siam chuan an rilru a kap hle. He inremna hian China rama iPhone hralh chhuah te chu Alibaba AI features hmang turin a phalsak dawn a.Dan siamtute leh Trump administration chuan private data eng emaw zat Alibaba hnenah share a nih dawn leh dawn loh hriat an duh a, Apple hian Chinese official-te hnenah thutiam a siam em tih hriat an duh a ni.

Zawhna chhangin Apple executive-te chuan chhanna chiang tak an nei lo niin an sawi.

U.S dan siamtu(lawmaker) pakhat chuan Alibaba chu China sorkar nena inzawm tlat niin a sawi a, Apple hi he inremna chungchangah hian inhawng takin a awm lo chu a buaithlak hle tih a sawi. Tun thleng hian Alibaba chauhin inremna hi an nemnghet a, Apple erawh an nemnghet lo. Hei hi U.S leh China inkara buaina a chhuah chhunzawm zel avanga Apple-in a hmachhawn mek zinga pakhat chauh a ni a, tariff thlak danglam pawh a tel.