Apple hian Meta AI-powered glasses, Ray-Ban Meta nen an inel theih nan nakkum kum tawp lamah smart glasses pahnih tihchhuah an tum niin an sawi.

Apple wearable hian smart glasses-a beisei ang component zawng zawng a nei vek dawn a, camera leh microphone pawh a nei vek dawn a, a chhehvela thil thlengte pawh a zirchiang thei dawn niin Bloomberg chuan a tarlang. Siri pawh a nei dawn a, phone call chhan leh kawng kawhhmuh ang chi thupek(command) te pawh a chhang thei dawn a ni.

Bloomberg hian a hmain Apple hian smart glass leh hardware dang siamna tur chip thar siam a tum thu a lo tarlang tawh a, Mac leh AI server thar siam a tum thu a lo tarlang tawh bawk.

Apple CEO Tim Cook chuan AI intlansiak a nasat chhoh zel avangin smart glasses market-ah Meta hneh tumin tan an la nasa niin a lang. Ray-Ban Meta hi Meta tan chuan hlawhtlinna lian tak a ni tih a chiang a; company leh a manufacturing partner, Ray-Ban te hian tun thlengin unit maktaduai tam tak an hralh tawh a ni.