California-a U.S. court chuan Apple laka class action thubuai thehluh chu ngaihtuah zui tlakah ngaiin,he thubuaiah hian Apple chu inelna dan bawhchhiaah puh a ni a, iPhone hmangtute chu app setting leh device info ang chi data pawimawh tak takte chu Apple-in a iCloud service-ah chauh backup turin a hma a la a, cloud storage company dangte invrawlh ve a phal lo.

Apple laka thubuai siamtu mipuite chuan hei hian Apple chu iPhone cloud storage market-ah hamthatna dik lo a pe niin an sawi a, a chhan chu company dangte chu an inel kim thei lo a ni.

Hemi hma hian judge chuan he thubuai hi a hnawlsak tawh in, evidence tha tak a awm tawk lo niin a sawi. Mahse thubuai thehluttute chuan an complaint chu an update a, tunah chuan judge chuan he thubuai chhunzawm zel tur hian a tha tawk tawh niin a ngai.

Apple chuan third-party cloud services-te'n core device data an hmuh theihna tura block chu security leh privacy avanga tih a nih thu a sawi a, inelna tihtawp nan tih a ni lo a ti.