AI company Anthropic chuan an Claude AI model version thar pahnih an tlangzarh a, chungte chu Claude Opus 4 leh Claude Sonnet 4 te an ni. Heng model te hi coding lam thiam tak leh fing tak an ni a,developer,reserchers te leh midang tan pawh a tha dawn hle a ni.
Eng nge thil thar awm?
Claude Opus 4 hi Anthropic model siam tawh zawng zawng zingah chuan a la chak ber a. Code ziah leh siamthatna kawngah te, harsatna khirh tak tak chinfelna kawngah te, leh hna lian tak takah darkar tam tak chhung ngaihtuahna senga awm theihna kawngah te a tha hle. Opus 4 hmangtu company te chuan code quality tih that nan a pui an ti a, model hlui aiin a thawk tha zawk niin an sawi.
Claude Sonnet 4 hi model chak zawk, thawk tha zawk a ni a, nitin nunah a awlsam hle. Version hmasa (Sonnet 3.7) aiin nasa takin tihchangtlun a ni tawh a, tunah chuan GitHub Copilot-ah hman a ni tawh a, hei hi programmer-te code ziah nana pui tu tha tak a ni.
Tunah chuan model pahnihte hian thil harsa chinfel tur an tawh laiin web search ang chi hmanrua hmangin ngaihtuahna thuk zawk an nei thei tawh bawk.
Claude Code hman theihin a awm tawh:
Anthropic hian Claude Code a tlangzarh bawk a, developer-te program duh ber VS Code leh JetBrains-ah te a rawn awm a, Code edit turin rawtna a siam thei a, harsatna a siam tha thei a, GitHub-a feedback pawh a chhang thei bawk.
Developer te tan hmanraw thar:
Anthropic chuan an API-ah hmanraw thar a dah belh a:
* Code execution tool (code run nan), .
* Hnathawh tur enkawlna atana connector (MCP), .
* Local file hmanga hnathawh dan tur, .
* Tin, darkar khat thleng prompts save theihna a nei bawk.
Claude Opus 4 leh Sonnet 4 te hi Anthropic website, Amazon Bedrock leh Google Cloud Vertex AI kaltlangin lei theih a ni. Sonnet 4 hi a thlawna hman theih a ni a, Opus 4 hi paid plan-a tel a ni thung. A man pawh a hma ang tho a ni:
* Opus 4: Token maktaduai khatah $15 (input) lrh $75 (output) a ni
* Sonnet 4: Token maktaduai khatah $3 (input) leh $15 (output) a ni.
Heng model te hian hma a sawn em avangin Anthropic hian hman dik lohna laka inven nan safety protection tha tak tak a dah belh a, chung zingah chuan venhimna tha zawk, chhanna tha lo tihtawp theihna hmanrua, leh AI hman dan himna enfiahna te a tel.
