Tun hnai khan WhatsApp hian NSO Group lakah legal case lian takah hnehna a chang a, jury chuan spyware siamtu hi $167 million aia tam pe turin a ti a ni. Legal battle hi kum 2019 aṭanga ṭan a ni a, WhatsApp chuan NSO chuan an audio-calling system-a vulnerability awm chu hmang tangkaiin an users 1,400 chuang an hack tih an hmuchhuak a ni. He attack hian "zero-click" method a hmang a, chu chu user-te’n engmah an click a ngai lo tihna a ni WhatsApp call lem an dawn chauh avangin phone hian Pegasus spyware a download a, NSO-in a mamawh chu victim phone number chauh a ni.
Kar khat chhung zet thubuai ngaihtuah a nih chhung hian thil pawimawh engemaw zat a lo lang chhuak a. NSO chuan thubuai thehluh a nih hnuah pawh WhatsApp hmangtute chu an beih chhunzawm zel tih a pawm a, spyware codenamed Erised, Eden, and Heaven version hrang hrang hmangin a vaiin "Hummingbird" tia koh a ni. NSO hian a hmain sorkar client 10, Pegasus software hmang dik lote nen inzawmna a lo titawp tawh tih pawh a lang bawk. Court document-ah hian Mexico, Saudi Arabia leh Uzbekistan te chu NSO’s client ṭhenkhat atan a tarlang a, spyware victim 1,223 awmna hmun pawh a tarlang bawk.
Detail dang mak tak chu NSO hian vawi khat chu FBI tan U.S. phone number-ah Pegasus an test a, mahse company chuan an spyware hian American number a target thei lo tih an sawi. Mahse, FBI chuan he hmanrua hi hman loh an thlang. NSO CEO chuan sorkar client-te chuan spyware hnathawh dan an thlang lo tih a sawifiah bawk a; chu ai chuan system chuan target hack dan tur tha ber chu automatic in a thlang zawk thin. Ngaihven awm tak chu Israel-a NSO office hi Apple nen building khatah a awm a, an device-te hi Pegasus-in an target fo a ni.
