LED technology hmang hian vun lama harsatna, hmai vun, eczema, leh ni zung chhiatna te enkawl a ni a, Doctor-te chuan kum tam tak chhung chu clinic-ah LED device chak tak tak an hmang tawh a, tunah chuan at-home LED mask hi a lar chho hle a, a man pawh £40 atanga £1,500 thlenga hralh a ni.

Heng mask te hian LED atanga light hmangin vun cells a tichak a, hei hian acne, scarring, leh fine line te a tidam thei a ni. Hetiang kalphung hi Photobiomodulation(PBM) an ti a, vun damna a lam a ti chak thei a, inflammation a tihziaawm thei a, collagen tam zawk a siam thei bawk.

Mahse, mithiamte chuan an vaukhân(warning) a, in lama LED mask tam zawk hi chu medical clinic-a hman ṭhin angin a chak lo va, a thawk ṭha lo bawk. Heng mask te hian in lama an hnathawh that dan tur zirchianna mumal tak a la awm lo niin an sawi.

Dr. Justine Kluk, dermatologist chuan home-use mask hmanga hlawkna a awm chu a tlem hle a rinawm thu a sawi. Mite chu beisei tur dik tak nei turin a fuih a, vun lama harsatna lian tak nei tan chuan mask chauh rinchhan lo turin a fuih bawk.

at-home LED mask market hi a thang chak hle a, a bik takin social media in a nghawng thalai zawkte zingah a thang chak hle. Mi tam tak chuan hriat duhna an nei a, glowing masks te hi hman nuam leh hman awlsam an ti hle.

User thenkhat, skincare influencer Natalie O’Neill te chuan he mask hian breakout leh skin tone thlengin a pui niin an sawi a, mahse skincare product dang pawh a hmang.

Mithiamte chuan LED mask hi a tlangpuiin hman a him niin an sawi a, mahse i lei dawn a nih chuan certified device LED light tam tak awmna thlang la, result tha zawk i hmu ang. Mahse, doctor-te chuan vun lama harsatna lian tak i neih chuan mask hi skincare routine dik tak emaw, damdawi emaw nena hman dun a tha zawk an ti.