President Donald Trump chuan TikTok khapna chu vawi hnih a tikhawtlai tawh a, Pathianni khan tih leh a duh thu a sawi.
Axios chuan NBC’s “Meet the Press” interview an neihnaah Trump chuan tuna June 19 hun tiam hmaa TikTok U.S-a hnathawh chu American neitute hnena hralh tura inremna siam a nih loh chuan company chu hun pawhsei leh a phalsak dawn tih a sawi.“Hei hi ka sawi tur a ni lo mai thei, mahse TikTok chungchangah hian ka thinlungah hmun lum deuh  a chang a ni” a ti.

Congress hian nikum khan dan a siam a, a parent company ByteDance-in short-form video app hi a hralh loh chuan TikTok hi khap a ni ang, January thla aṭanga khapna hman ṭan a nih khan TikTok hi hun rei vak lo a bo ta a. Hemi hnu hian Trump chuan khapna hi ni 90 chhung a tikhawtlai dawn tih a puang a, U.S-a neitute nena joint venture neih a duh thu a rawt bawk.

April thlaa deadline dang a lo thlen khan Trump chuan company hi ni 75 chhung pawhsei sak lehin, China sorkar chu “kan Reciprocal Tariffs chungchangah hian a lawm vak lo” tih a sawi.