Naute thla 15 mi KJ Muldoon-a chuan khawvêla a hmasa ber atân ama tân liau liaua siam gene editing treatment chi khat a dawng. KJ-a hi vânduaithlâk takin natna hlauhawm tak CPS1 tlâkchhamna vei sain a lo piang chhuak a. He natna vâng hian a thin(liver) chuan a thisen aṭangin ammonia a paih chhuak thei lo va, ammonia tam lutuk hi a hlauhawm a, thluak leh taksa pêng dangte nasa takin a tichhe thei a ni. Vanduaithlâk takin hetiang enkawlna damdawi hi hmuhchhuah a la ni lo va, a na zual tûr vên bâk tih theih a awm lo a, a nu leh pate an beidawng hle.

Hetih lai mêk hian Children's Hospital of Philadelphia leh University of Pennsylvania-a doctor te leh scientist te zârah KJ-a tân  beiseina kâwl a lo eng leh ta. A natna enkawl nân hian gene editing tool thar CRISPR base editing an hmang a. Tûn hmaa DNA cut ṭhîn CRISPR method hlui ang lo takin he version thar hian KJ-a gene-a dik lo awm chu engmah cut lovin uluk takin a zu thlâk danglam ta zâwk a ni.

Edited treatment chu KJ-a thinah lipid nanoparticles an tih mai fat bubble te tak tê hmangin an thawn a. Chûngte chuan cell dik takah thupek ṭangkai tak a va keng ta ṭhîn a ni.

Enkawlna a hmuh hnu hian KJ-a hrisêlna chu a ṭha chho hle a. Tunah chuan a ammonia level pawh a him chinah a awm tawh a, a hma angin damdawi a mamawh tawh lo. Doctor te chuan he enkawlna hian KJ-a hrisêlnaah a puih zêl an beisei. 

Doctor te chuan he hmasâwnna hian nakin lawkah naupang dang, genetic natna vâng tak tak nei te pawh a puih theih ngei an beisei.