Tun kar tir lam khan Iran rama mi zawng zawng deuhthaw chuan internet an hmang thei lo, hei hi "near-total internet blackout" neih vang a ni.Engvanga thleng nge tih a tirah  chiang lo mah se, tunah chuan Iran sorkar chuan Israel cyberattack laka an ram venhimna atan internet chu an ti tawp rih tih a rawn chiang ta viau mai.

Sorkar thupuangtu Fatemeh Mohajerani chuan he thutlukna hi bank leh system pawimawh dangte beihpui thlakna cyber threat kalpui mek vang a nih thu a sawi. Hmelma drone tam takin internet an hman thu leh cryptocurrency exchange lian tak, Nobitex chu hack a nih thu a sawi bawk. Israel thlawptu nia rin hacker group Predatory Sparrow chuan heng pawikhawihna thlengah hian mawhphurtu an ni tih an sawi a, a hmain Iran system-te pawh an lo bei tawh a, gas station leh steel factory-te pawh an lo bei tawh bawk a ni.

Internet tih tawp a nih avang hiam Iran mite tan nun a ti khaihlak hle a, a bik takin Israel nena an inbeihna kawng a ti harsa hle bawk. Iran ram chhunga mite hian ram pawna an hmangaih tak takte nen awlsam takin an inbe pawh thei lo va, Phone call pawh a tlang lo a ni.

Computer expert thenkhat leh mi thiam thenkhat chuan virtual private server ang chi special tools hmangin internet an la hmang thei tho a, mahse mi tam zawk tan chuan online hi thil theih loh tluk a ni rih a ni.