Fans te chuan GTA 6 rawn chhuak tur hi phur pui viau mah se Rockstar Games, game hlui zawkte chuan record an la khum reng a ni. Publisher Take-Two report tharin a tarlan danin,GTA 5 hi tunah hian copy maktaduai 215 chuang hralh a ni tawh a, thla thum danah maktaduai 5 vel zela hralh belh a ni bawk,kum 2013-a tihchhuah daih tawh kha a ni.

Take-Two chuan GTA 5 hi a la kal chak hle tih a sawi a, hei hi a then chu online version vang a ni a, gaming console generation thum chhung a hlawhtling tawh a, Gaming industry-a hmahruaitu an ti hial a ni.

Red Dead Redemption 2 pawh a che chhe lem lo. Thla engemaw zat kalta chhung khan copy maktaduai 4 zet hralh a ni a,khawvel puma hralh chhuah zawng zawng hi maktaduai 61 chuang a tling. RDR2 hi kum sarih kalta chhunga U.S-a game hralh chhuah hnem ber a ni.

GTA Online hian update leh player tam tak a dawn zel laiin,Red Dead Online fans te chuan tun hnaiah content thar a tam loh avangin an lungawi lo hle a, game hi tha taka hralh chhuah a ni na chugin.

Fans te chuan GTA 6 rawn chhuak turah hian beiseina sang tak an nei a,an nghakhlel hle bawk a ni.