Kum 2024 khan Google Play Store chuan a apps zinga a chanve vel chu a paih chhuak(removed) tawh a ni. Kum tir lamah khan apps 3.4 million vel a nei a, tunah chuan 1.8 million vel chauh a nei tawh.

He tihfaina lian tak hi Google hian Play Store-ah apps tangkai leh him chauh a neih theih nan a dan a thlak danglam vang a ni.Tun hma chuan Google app review system hi a khauh vak lo.Automatic checks ah a innghat ber a, mihring a review pawh a tam lo. Chu chuan apps quality hniam, scam, emaw hmantlak loh te chu play store chhunga lut awlsam in a siam a ni.He thil siamthat nan hian July 2024 atang khan Google chuan apps atan stricter rules a hmang tan a. Tunah chuan app chhe tawh emaw, hnathawk lo emaw chauh a block tawh nimai lovin,a paih chhuak bawk.

Google pawhin developer rules chak lehzual in a siam a. Tunah chuan developer tharte chuan an identity chiang zawkin an verify a ngai ta a ni. 
Heng inthlak danglamna avang hian Google chuani:
* Store-a apps chhia maktaduai 2.36 dah belh a titawp.
* Dan bawhchhiat avangin developer account 158,000 chuang a banned.

Kumin hian European Union(EU)-ah pawh dan thar a awm bawk a. Developer te chuan app listing ah hian an hming leh addressnan tarlang tur a ni tih a ni. He thil zawm lo apps te chu EU-a dawr hrang hrang atangin paih chhuah an ni ang.Apple pawhin he dan hi a zawm a ngai a, Google angin apps a hloh loh nan.

Ngaihven awm tak chu apps zawng zawng tlahniam nasa hle mah se, kumin chhunga app thar dah belh zat hi a sang hle. Company Appfigures chhinchhiah danin, kum 2024 chhung khan Google Play-ah app thar 10,400 chuang dah a ni tawh a nikum aiin 7.1% zetin a pung a ni.