Google hian kum sawm dawn hnuah a vawi khat nan an logo a "G" lai chu a thlak. Design thar hi May 12, 2025 khan tihchhuah a ni a, a hma ang khan rawng sen(red), eng(yellow),hring(green), leh pawl(blue) hmang lovin, updated logo hian colors te chu smooth gradient-in a chawhpawlh(blend) a ni.

He inthlak danglamna hian logo hi tunlai zawkin a ti lang a, Google design thar hi Gemini logo design atana a hman gradient nen a inmil hle..

Tunah tak hi chuan iPhone leh Pixel device-a Google Search app-ah logo thar hi a rawn lang ta a. Phone dang leh platform dangah pawh a lang thuai ang. Google hian "Google" word logo kimchang a thlak lova app-a i hmuh fo thin "G" icon chauh a thlak a ni.