Geothermal startup lar tak Fervo Energy chuan Utah-a power plant thar sakna tur sum atan $206 million a hmu. Cape Station tia koh project hi zawh a nih hunah khawvela enhanced geothermal power plant lian ber a ni dawn a ni.
Plant hmun khatna hi nakkumah hman ṭan tura beisei a ni a, electric 100 megawatt a siam chhuak ang.2028-ah zau zawka tihpun a nih chuan 400 megawatt vel a rawn belh ang.
Enhanced geothermal energy hi traditional geothermal ai hian a thuk zawk a, lei hnuaia hmun lum zawk a thleng thei bawk. A bik takin AI data center powering atana energy source thianghlim, hman theih reng a nih avangin mi a lem zawk hle. He technology hian oil leh gas industry aṭang thiamna a hmang bawk a, hei hian political support a neih theih nan a pui thei a ni.
He thu hi Fervo in thuk zawk leh lum zawk ft 15,765,520°F a temperature,ni 16 chhung a verh hnu a tuk maia chhuah a ni
Drilling rang leh thuk tak hi sum senso tihtlem nan a pawimawh hle a, Fervo hlawhtlinna hian sum tam tak a lakluh theih nan a pui a ni.
$100 million chu Breakthrough Energy Catalyst(Bill Gates-a energy investment arm) atanga hmuh a ni a,$60 million chu Mercuria aṭangin.X-Caliber Rural Capital atanga bridge financing $45.6 million hmuh a ni bawk.
Hei hian a hmaa sum thawhkhawm tawhte chu a belhchhah a: February 2024 khan $244 million leh December 2023 khan $255 million a ni.
Mithiamte chuan investment pung zel hian enhanced geothermal hian harsatna hmasa zawk a paltlang tawh tihna a ni a, tunah chuan sumdawnna atana hman tur lian tak atan a inpeih tawh niin an ngai niin an sawi.
