1.DoS and DDoS Attack :
Heng attack te hian website pakhat chu fake request tam lutuk thawnin tih tawp an tum thin.
DoS: Computer pakhatin request a thawn tam lutuk in.
DDoS: Computer tam tak chuan vawi khatah request tam lutuk an thawn thin.
Hei hian user tak tak te chu website hmang theilo turin a siam thin a ni.Firewall hian hei hi a titawp thei a ni.

2. MITM (Man-in-the-Middle) Attack:
He attack ah hian Hacker hian a rukin mi pahnih emaw system pahnih inkara message a ngaithla emaw, a thlak danglam thin.
Pangngai taka mi i be reng emaw i ti a, mahse hacker chuan a lo en reng thin a ni.
Password chak tak tak, encryption leh VPN te hman hian hemi lakah hian a pui thei hle che.

3.Phishing Attack:
Email lem, a tak tak ang maia lang ni si. Link click emaw personal info pe turin a ti ang che.A tum ber chu password ang chi private thil pe chhuak tura bum che hi a ni.
Email-ah fimkhur rawh—a thawntu i rin loh chuan link click suh.

4.Ransomware:
Hacker chuan i computer chu a lock ang nga, a unlock nan pawisa a dil ang che.
in ven dan: Link emaw file emaw hriat loh click suh. Security software tha tak hmang ang che.

5.Password Attack:
Hacker te hian i password chu rin dik(guess) emaw rukbo emaw an tum thin.
An ring dik thei a, an bum thei che a, hmanraw bik an hmang thei bawk.
in ven dan: Password chak tak hmang la, tumah share suh.

6. SQL Injection:
Hacker te hian website pakhatah special code an type a, a database chu an luhchilh thin.
In ven dan: Mi mamawhtute chauh hman theihna pe rawh.

7. DNS Spoofing:
Hacker te chuan website lem tak takah an thawn ang che, chu chu a tak tak ang mai a ni.
I private info chu tih palhin ilo chhu lut  maithei.
in ven dan: Web address te uluk takin enfiah la, network rintlak tak tak hmang bawk ang che.

8.Brute Force Attack:
He attack-ah hian hacker pakhat chuan password dik tak a hmuh hma loh chuan a guess reng thin. Bot (automated program) hmangin combination awm thei tam tak chu rang takin an enchhin fo thin.
Hei hi tihtawp nan an tih dik lo tam lutuk hnuah system chuan account a lock thei a, user-te chuan password chak tak, random tak tak an thlang tur a ni.

9.Web Attack:
Hacker-te chuan website emaw online app-a chak lohna awmte chu an hmang tangkai ṭhin. User-te chu hre lova password thlak emaw, setting thup thlak emaw ang chi thil ti turin an bum thei a ni. Security token bik hman leh thiltih rintlak chauh phalsak hian heng attack te hi tihtawp ah a pui thei a ni.

10.Insider Threat:
A châng chuan, he thil hi company chhunga mi pakhat aṭang a lo chhuak thin. System an nei tawh a, an hmang sual thei bawk. Company-te chuan tute nge sensitive data hmang thei tih an khap a ngai a, multi-factor authentication hmangin insider-te tan harsa zawkin an siam sak thei

11.Trojan Horses
Trojan hi program lem, him anga lang mahse a rukin software tha lo tak tak awmna a ni. Vawikhat hawn a nih chuan hacker te chu system chhungah na lut thei.Him taka awm tur chuan rintlak tak tak atanga program chauh install la, security tools hmangin hlauhawm thup awmte chu scan rawh.

12.Drive-by Attack:
Hengte hi website him lo i tlawh hian a thleng thin. Engmah i click a ngai lo site chuan i computer chu load mai maiin a infect thei a ni. Software update reng leh web protection tools hman hian heng virus hi a veng thei a ni.

13.XSS (Cross-Site Scripting) Attacks:
Hacker te hian website kaltlangin user pakhat browser ah code an thawn thin. He code hi click a nih chuan hacker hnenah pawisa thawn emaw, data ruk emaw ang chi thil an ti thei. Website-te chuan code rintlak tak tak phalsak chauh leh user-te’n eng nge an luh tih enin hei hi an block thei.

14.Birthday Attack:
He attack hian fake message matching digital signature(hash an ti) hmangin system chu a bum a. Hei hian thuchah chu a tak angin a lantir. Heng digital signatures te hi rei zawk leh complex zawka siam hian he trick hi a veng thei a ni.

15. Malware Attack:
Malware chu i computer tichhe thei emaw, information ru thei software tha lo eng pawh a ni. Program lem, link, attachment lem atanga lo chhuak thei a ni. I inven nan antivirus software hmang la, email hriat loh hawng lo la, app rintlak loh install suh.