Amazon hian tech company liante thil buaipui lamah a inrawhlh chho ve mek a,cloud leh AI services chakna tur nuclear energy lei tumin inremna a siam.

Tun kar chhung hian Amazon chuan Pennsylvania-a Susquehanna nuclear power plant aṭanga electric gigawatt 1.92 a hman tur thu a puang a, hei hi Talen Energy-in a,a enkawl a ni. Tun hnaiah tech company lian dang Microsoft leh Meta te pawhin hetiang bawk hian hmalakna an nei ve bawk a ni.

A tirah chuan Amazon hian power plant bulah data center siam a tum a, chuta tang chuan electric lak nghal a tum a,mahse, regulator-te chuan chu ruahmanna chu an block a, a chhan chu regular customer-te’n grid maintenance fee an pek ṭhin chu a bo dawn vangin.

Tunah chuan Amazon chuan he deal hi a thlak danglam a, an data center hian midang ang bawkin grid kaltlangin electric a hmu thei dawn a. He inremna thar hi kum 2026 aṭangin ṭan a ni ang a, kum 2042 thleng a awh ang.

Power lei bakah hian Amazon leh Talen hian Pennsylvania-ah small modular nuclear reactor (SMR) thar siam an tum a, tuna nuclear facility awm mekte pawh tihchangtlun an tum a, energy tam zawk siam chhuah an tum bawk. Heng upgrade-naah hian fuel tha zawk, setting tihchangtlun emaw, hmanraw thar zawk emaw a tel thei a ni.

Microsoft hian nikum khan he trend hi tanin, Three Mile Island-a reactor siam thar lehnaah a pui a, tun hnaiah Meta hian Illinois-ah nuclear deal a ziak bawk.

Amazon hian startup pakhat X-energy-ah pawh sum a seng tawh a, Pacific Northwest leh Virginia-ah SMR siam a duh bawk a ni.