Indian Space Research Organisation (ISRO) chuan Pathianni hian an satellite 101-na,EOS-09 chu PSLV-C61 rocket hmangin kahchhuah an tum a. Mahse,lei atanga a thlawhchhuah hnu minute engemaw zat hnuah mission chu a hlawhchham.
Rocket hian stage hmasa leh pahnihnaah hna a thawk tha hle a, mahse stage thumnaah harsatna a awm avangin satellite hian a tum orbit a thleng thei lo. ISRO chuan hemi chungchang hi an zirchiang dawn tih sawiin, a hnuah chipchiar zawkin thuchhuah an siam dawn tih an sawi.
Satellite EOS-09 hi Sun Synchronous Polar Orbit (SSPO)-a lut tura ruahman a ni a, eng khaw lum leh khaw vawt pawh ni se, chhun emaw zan emaw pawh ni se leilung thlalak chiang taka lak theihna tur technology bik a nei a.Agriculture lam, ramngaw enkawl, chhiatrupna laka invenna len thil dang laka invenna thlenga hman tur atana siam a ni.
He thlawhna hi space sustainability ngaihtuahna a ruahman a ni a, EOS-09 hian a mission a zawh hnua him taka orbit atanga lak hran theihna tur system a nei nghe nghe.
Hei hi ISRO 63rd PSLV flight leh 27th XL version hmang thlawhna ni mahse, hemi hma hian hlawhtling takin vawi 100 chuang zet an lo test tawh a, mahse a tak ramah erawh vanduaithlak takin a hlawhtling ta lo a ni.
