Tun hnaia electric vehicle (EV) market chhunga thil thlengah, China company "BYD" chuan hun rei tak chhung Tesla-in thuneihna an lo neih chu nasa takin a dodal a, a bik takin European sales lamah a dodal nasa hle a ni. Report awm atanga a lan dan  chuan BYD hian European Battery Electric Vehicle (BEV) hralhna lamah a vawi khat nan April 2025 khan Tesla a khum niin a tarlang a ni. BYD chuan kum hmasa aiin 169% lai in-an hralh hnem aa, hetih lai mek hian Tesla chu he bialah hian  49% zetin a tlaniam thung. European car market-a he thilthleng lian tham lutuk   hian EU-a Chinese siam EV-te hnen atanga chhiah sang zawk lak a ni chunga, inelna boruak danglam chho zel a tilang a ni.
Khawvel pumah Tesla hian EV delivery lamah pawh BYD hi a phak lo hle a, vertically integrated production leh portfolio hrang hrang hmanga model man tlawm zawk leh plug-in hybrid te pawh a hmang tangkai hle. Analyst-te chuan BYD hlawhtlinna chhan chu thil thar siamna lama a strategic focus, aggressive market expansion, leh fast-charging battery leh self-driving technology ang chi feature hmasawn tak tak man tlawm zawka a pek vang niin an sawi. Chumi kalh zawng chuan Tesla hian model lineup upa tawh tak, inelna sang tak leh a CEO, Elon Musk chungchanga buaina chhuak vangin  harsatna a tawk a, hei hian demand a nghawng nasa hle a ni. Tesla hmalam hun chu a full self-driving (FSD) leh robotaxi hmalaknaah a innghat a, BYD erawh tuna EV business-a an chet lak dan chak tak hian khawvel pum huapa automotive industry lo thang zel zingah an dinhmun an sawh nghet hle a ni.