President Donald Trump chuan Apple chu U.S.-a iPhone an hralhna ah 25% tariff pek chhuah a nih tur thu in a vau a, hei hi company-in an manufacturing unit chu American ram leilunga an sawn loh vang a ni. He vaukhânna hi Truth Social kaltlangin pek a ni a, Apple manufacturing partner, Foxconn-in India rama a hnathawhnaah Dollar “Tluklehdingawn 1.5” a invest tur thu a puan hnua tihchhuah a ni.
Apple hian a hardware production India ramah a sawn a, hei hi U.S leh China inkara sumdawnna lama buaina awm mek nghawng a ni. Tun thla tir lam khan Apple CEO Tim Cook chuan U.S.-a iPhone hralh tur tam zawk chu India atanga lo chhuak a nih tur thu a lo sawi tawh a ni.
Tun hnaia Trump-a post hian U.S. tariffs paltlang tum company-te chunga a lungawi lohna zau zawk a lantir a, hei hi a hmaa Walmart-in consumer-te hnena tariff pek ai chuan Walmart zawk in a chawi  tura a ngenna aṭang khan a lang chiang hle. U.S. President hian kar hmasa khan Apple-in India a pan chungchangah a lungawi loh thu a sawi nia sawi a ni a, Tim Cook pawh a kawm nia sawi a ni a, mahse an sawihona chungchang chiang tak erawh hriat a la ni lo.