OpenAI-a Canadian AI researcher lar ber pakhat Kai Chen chu U.S green card pek loh a ni a, U.S-ah hian kum 12 chhung zet a awm tawh a, hna a thawk tawh bawk. A thawhpui Noam Brown chuan social media-ah he thu hi a share a, U.S.-in AI lama hmahruaitu puitu talent nei tha tak takte a hnawhchhuah chu a lungchhiatthlak hle tih a sawi.
OpenAI hnathawk dang pakhat chuan Chen hian company AI model lian ber zinga mi GPT-4.5 siamna atan hian mi pawimawh tak a ni a ti. Chen hian a hna chu la vawng reng thei mahse tunah chuan U.S a chhuahsan a ngai tawh a, tunah chuan Vancouver atanga hla takah hna a thawk tawh dawn a ni.
Hei hi thil buaithlak tak, ramdang hnathawk leh zirlai thiam tam takin visa harsatna emaw green card hnialna emaw an tawk mek a ni.Trump administration hnuaiah hian immigration dodalna a nasa a, green card pek loh pawh a tel a,hun rei tak chhunga awm tawh(long time residents), zirchiangtu(researchers), zirlai te pawh an pe lo. Ṭhenkhat phei chu traffic violation ang chi thil tenawm tak takah pawh target an ni.
Chutih rual chuan OpenAI ang chi AI company te hian international talent ah an innghat nasa hle. OpenAI ringawt pawh hian kum 2022 atang khan visa 100 chuang a sponsor tawh a, nikum khan,H1-B visa 80 chuang a file tawh bawk. Mahse, immigration official-te chuan he thil hi an ti harsa zawk a, mimal chanchin leh document tam zawk pawh an dil a ni.
Hetiang dinhmun hi U.S AI lama hmalam hun tan chuan a hlauhawm hle a, ram chhunga AI rilru leh startup sang ber ber tam tak chuan immigrant background an nei a ni. Tun hnaia zirchianna pakhatah chuan:
- U.S AI startup lar ber ber zinga 66% chuan immigrant founder pakhat tal an nei a.
- AI nena inzawm graduate zirlai zinga 70% chu international an ni.
Immigration harsatna, research funding tlem zawk, leh political pressure avang hian tunah chuan scientist tam tak chuan U.S chhuahsanin hmun dangah hna thawk turin ngaihtuahna an seng tan ta mek a ni.