Meta chuan AI model set thar Llama 4 chu an tlangzarh.
He an tlangzarh ah hian model lian pathum a awm a:
- Llama 4 Scout,
- Llama 4 Maverick,
- Llama 4 Behemoth(la zirtir(trained) mek)
Heng model te hi thu(text),thlalak(image), leh thlalak che thei(video )tam tak hmanga chher(training) an nih avangin tawng leh mita hmuh theih(visual) te an hrethiam ve ve thei a ni.
Chinese AI company DeepSeek chuan Model tha zawk leh chak zawk Meta AI Llama aiin an lo chhuah hmasak zawk tawh avangin Meta hi tha zawk leh chak zawka kal turin a nawr na hle.Hei hian Meta chu chak lehzuala an Model te thuam turin a siam nasa hle.
Tunah hian Scout leh Maverick model te hi Llama.com-ah hman theihin a awm tawh a ni.
Meta hian an AI assistant,Meta AI tih chu WhatsApp, Messenger, leh Instagram ang app-a hman thin chu ram sawm li(40)-ah Llama 4-a kalpui turin an update bawk. Mahse, thu(text) leh mita hmuh theih(visual) pahnih nena thawk ho thei hman theihna chu U.S-ah chauh a awm a, tunah chuan English chauhin ala awm a ni.
Llama 4 hmang thei tur chungchangah hian hman theih chin(limit) engemaw zat a awm
- Mi emaw company emaw European Union(EU)-a awm a nih chuan heng model hman leh pek chhawn(share) a theih dawn loh va, hei hi data leh AI chungchanga EU dan khauh tak avang a ni mai thei.
- Tin, company lian tak tak, thla tin hmangtu(users) maktaduai 700 chuang nei te chuan heng model te hi hmang tur chuan Meta hnen atangin phalna an lak a ngai a — Meta hian 'aw' emaw 'aih' a ti thei bawk.
Meta chuan blog post-ah he release hi Llama model-te tana bung thar bul tanna chauh a nih thu a sawi a, thil dang pawh a lo thleng thuai dawn tih a sawi.
Source: TechCrunch