IBM chuan an mainframe computer thar, IBM z17 chu an puang a, hei hi sumdawnna lama AI hmanna tipung tura siam a ni. Telum II processor hmanga siam a ni a, AI task hrang hrang 250 chuang a support thei a, AI agent leh generative AI te pawh a support thei bawk.
Mainframe hi technology hlui zawk ni mahse, an la hmang nasa hle— Fortune 500 company zinga 71% chuan an ring tlat a ni. Khawvel pum huapa mainframe market hlutna hi kum 2024 chhung khan $5.3 billion a ni.
Version hmasa (IBM z16) nen khaikhin chuan z17 hi:
- 50% chak zawk, nitin AI hnathawh tluklehdingawn 450 zet a khai ding(handle)
- Hardware leh software dang, open-source tools te nen pawh awlsam taka thawk thei tura duan a ni
- chakna hmang tlem(energy-efficient) zawk, AI hna tam zawk thawh laiin power tlem zawk hmang
48 AI accelerator chips a keng tel a, kum khat chhungin 96-ah tihpun tum a ni. IBM hian kum 5 chhung zet he upgrade hi an siam a,customer 100 chuang atanga input an dawng a ni.
z17 thil tum ber pakhat chu nakin lawka AI model leh hmanrua atana inpeih a ni a, la siam chhuah loh pawh nise.
IBM z17 hi June 8 atang hian a awm tan dawn a ni.
Source: TechCrunch