Google chuan tun kar chhung khan October 25 aṭang hian Nest Learning Thermostats generation hmasa leh pahnihna software update chu a support tawh dawn lo va, a tichhuak tawh dawn lo tih a puang. Tin, Europe-a Nest product thar tihchhuah chu a titawp vek dawn bawk.
Chumi awmzia chu kum 2011 leh 2012-a Nest thermostat tihchhuah (kum 2014-a Europe-a tihchhuah version pawh) neitute chuan update an dawng dawn lo tihna a ni a, an device-te pawh Nest leh Home app-ah an support tawh dawn lo tihna a ni. Mahse, an device-ah direct-in temperature leh schedule an siamrem thei dawn a ni.
Europe-a Nest thermostat a tlangzarh tawh loh chhan chungchangah chuan, “Europe-a heating system hi a danglam bik a, hardware leh software mamawh hrang hrang a nei a, hei vang hian in hrang hrang tan sak a harsa hle a ni,” a ti bawk. Nest device awmsa te chu supply a awm chhung chuan Europe-ah hralh chhuah a la ni dawn a ni.