Google chuan AI experiment thar pathum a rawn siam a, hei hian miten tawng an zir theih nan mimal leh hmantlak zawka puih an tum a ni. Google Gemini AI model hmanga siam heng hmanrua te hi early test a la ni rih a,hun tak tak(real-life) a tha tak tura tawng te hi zir tir tum an ni a,Duolingo nen pawha inel thei tura ngaih a ni.
Experiment hmasa ber, “Tiny Lesson” tih hian nun tak tak dinhmun aṭanga thumal zir tûrin a ṭanpui thei a. Entîr nân, i passport i hloh tih i sawi chuan, a kaihhnawih thumal, grammar tips, leh “Khawiah nge ka hloh ka hre lo” tih ang chi chhânna rawtnate a pe ang che.
Experiment pahnihna, “Slang Hang” chuan formal textbook language hmang lovin tualchhung mi ang deuha thu sawi a zirtir thei che. Native speaker-te inkara inbiakna pangngai, kawngpuiah thil zuarte nena inbiakna ang chi te a entir thei che a, Mahse, Google chuan a chang chuan slang emaw, make up words emaw a hmang dik lo thei tiin a vaukhân.
Hmanraw pathumna, “Word Cam” hian i phone camera hmangin i chhehvela thil awmte chu a hriat theih a, i zir mek ṭawng hmangin a label a ni. Hei hian nitin thil hmanga i vocabulary tihzauh nan a pui dawn a ni.
Heng features te hian tawng lian tam tak a support a, Google Labs kaltlangin a awm a, hei hian zirlaite chak zawk leh nitin nun nena inmil zawka siam a tum a ni.