Kar hmasa khan OpenAI chuan ChatGPT-ah an image-making tool an dah belh khan social media a puak darh nasa hle. Mite chuan Studio Ghibli movie-a scene ang chi thlalak siam nan an hmang thei tih an hmuchhuak. Fans te chuan Ghibli siamtu kum 84 mi Hayao Miyazaki chuan a sawi chhuah ngei an beisei a, mahse engmah a la sawi lo.
Mahse, Ghibli subreddit-a fans-te chuan AI art phal lohna dan an zawm tlat thung.
“‘BAN AI NOW’ post sawmhnih vel ka hmu tawh a, hei hi website dangah AI Ghibli-style art tam tak a lan vang a ni mai thei,” tiin moderator pakhat chuan kar hmasa khan a sawi. “Hetah hian AI art hi kan phal lo a, a tir atang khan kan khap nasa hle a ni.”
Heng fans te hian AI siam copy hi Hayao Miyazaki chawimawina atan an ngai lo. Chu ai chuan AI model-te chu amah ang artist-te copyright nei thlalak hmanga training an nih an ring a.
He harsatna hian thil siamtu leh ziaktu dangte pawh a nghawng nasa hle. The New York Times leh publisher dangte chuan OpenAI hi an hek a, company chuan an copyrighted work hmangin an AI chu pawisa pe lo leh zawt lovin an training tir niin an sawi. Hetiang chiah hian Meta leh Midjourney-te lakah pawh complaint an thehlut tawh bawk.
Ghibli dinhmun hian fans a ti lungngai zual hle a, a chhan chu studio siamtu Hayao Miyazaki chuan AI-generated art a duh loh thu chiang takin a sawi a ni.
“He thil hi ka en thei lo va, ngaihnawm ka ti thei lo,” tiin Miyazaki chuan kum 2016-a AI siam 3D animation a hmuh hnua documentary a siamah a sawi. “Hetianga siamtute hian hrehawmna tak tak hi an hrethiam lo.Ka huat em em a ni.”
Mite pawhin Pixar character emaw Dr. Seuss drawing ang chi AI image an siam nasa hle bawk. White House’s X (Twitter) account-ah pawh Ghibli-style image a share a, ICE-in an man laiin hmeichhe tap chu nuihzat a ni.
Heng “Ghibli-style” thlalak tam zawk hi online-a a darh zel avangin fans-te chuan Miyazaki-a thusawi hlui chu midangte’n a hnathawh an copy loh nan an rawn keng kir leh a—mahse, chu trend chu a lo chhuak tawh a ni. Thlalak zawng zawng hi Ghibli style-a siam vek a ni lo a, mahse AI hmanga thlalak siam tam lutuk hian AI company system-ah pressure a siam mek a ni.
OpenAI’s Brad Lightcap, company-a nitin hnathawh dan enkawltu chuan he ChatGPT feature thar hmang hian user maktaduai 130 chuangin image maktaduai 700 chuang an siam tawh tih a sawi.
“Visual creativity range hi a tichak hle a ni,” tiin Lightcap chuan a ziak.
Source: TechCrunch