Khawvel hmun hrang hrangah Elon Musk leh Tesla laka nawrh huaihawt a ni a, hei hi Elon Musk-a leh President Donald Trump nena an inzawmna vang a ni. Tunah chuan Tesla chuan official takin U.S. regulator-te hnenah heng nawrh huaihawtte hi company tan chuan risk a nih thu a sawi ta a ni.
Securities and Exchange Commission(SEC)-a document thar thehluhah Tesla chuan nawrh huaihawt ṭhenkhat leh tharum thawhna thleng chuan company brand, sales, leh sum thawhkhawm theihna a tichhe thei tih a sawi bawk.
He inthlak danglamna hian Tesla-a ukil-te chuan tunah chuan nawrh huaihawt hi investor-te vaukhânna tur khawpa lianah an ngai tih a tilang chiang hle.
Tesla hian mipui sawiselna hian sumdawnna a tichhe thei niin a sawi. Tunah chuan nawrh huaihawt leh mipui thinrimna, a bik takin Musk-a thiltih leh thusawi chungchang avang hian harsatna a thlen tawh niin a sawi.
Elon Musk pawhin, finfiahna awm lovin, nawrh huaihawtte hi hlawh pek an nih thu a sawi bawk. He nawrh huaihawtte hi Tesla dawr emaw, charging station emaw a thil tihchhiatna nen a inzawm tih finfiahna a awm lo bawk.
Tun hnaia Tesla’s financial report-ah chuan car hralhna leh hlawkna a tlahniam nasa hle tih a tarlang a, company hruaitute chuan nawrh huaihawtna hian nghawng ṭha lo a nei hle tih an pawm.
Nawrh huaihawt pawl Tesla Takedown chuan tunah chuan Tesla-in risk tak tak anga a hmuh chu an chhuang hle tih an sawi. Hei hian an movement hian hna a thawk tih a tichiang hle niin an sawi.